D. Salar Osman, berpirsê beşî roşinbirî û rageyandinî Partî Dîmokratî Kurdistan,
le çil û duwemîn bazney giftûgo be navnîşanî "Pirosesey siyasiy herêmî Kurdistan
û astengekanî" le dû peyvî jiyawaz-da bemcore bîrboçûnekanî xo û pêşniyazekanî
xoy xisterrû:

Le destpêkî giftûgokeda, zor begermî bexêrhatinî amadebuwanî em giftûgo giringey
kird û hellwestey leser ewe kird ke "Bazney Giftûgo" wek organêkî serbexo le
pênawî çî-da le beşî roşinbirî û rageyandina damezra. Lem çwarçêweyeda amajey
bewê kird: "Bazney Giftûgo le pênawî yek amancî sereke damezrawe, ewîş eweye ke
sekoyekî krawê drust bikeyn bo ewey rraşkawane bîrboçûne jiyawazekan pêkewe
giftûgoy tendrust û saxllim bikeyn û pêkewe rrêgeçarey niştimaniyane bo koy kêşe
û giriftekaman bidozînewe û wek hawkar û rrawêjkar pêşkeş be sercem damezrawe
fermiyekanî herêmî Kurdistan û birriarsazanî em wollate bikeyn. Lewaneş
giringter, beşdarîkirdinî nwêneranî jiyawazî siyasy, neteweyî û ayinekan leser
astî herêm û Êraq û her çar parçey Kurdistan lem bazneyeda, nişaney eweye ême le
Partî Dîmokratî Kurdistan pêman waye xem û kêşekanî em niştimane hî
hemû-layekmane û debêt pêkewe berpirsyaryetî haubeş hellbigirîn û nakrêt hîç
layek be tenya bîr bikatewe. Lem çwarçêweyeda baştrîn pênase, baştrîn
yektrî-bînîn, baştrîn lêkgrêdanî têgeyiştine haubeş û jiyawazekan, lewedaye ke
pêkewe giftûgo bikeyn. Giftûgoş wek xesllitêkî nwêy cîhan, rrehendêkî zor
giringî pirosesey siyasiye. Boye em mêjûy karkirdinî bazney giftûgo ta êsta,
selmênerî ew rastiyeye ke demanewêt beşdariyekî kara, giring û gewre le
pirosesey diyalogî Kurdistan-da bikeyn".

Sebaret be pirosesey siyasiy herêmî Kurdistan û astengekanî û hokarekanî
dwakewtinî pêkhênanî hikumet û çareserne-kirdinî kêşe nawxoyiyekanî xoman,
berpirsê beşî roşinbirî û rageyandina cextî leser ewe kirdewe: "Navnîşanî em
giftûgoye tewerêkî zor giringe, ewîş «Pirosesey siyasî le herêmî Kurdistan û
astengekaniyitî». Kewate ême lebedem navnîşan û babetêkî êcgar giringdayîn ke
birîtiye le pirosesey siyasî le herêmî Kurdistan û astengekanî. Lîrewe bo ewey
giftûgoyekî berhemdar bikeyn, leseretada hewl-dedem sê şêwazî giftûgo û axaftin
leyktrî jiyabikemewe ke be dîdî min yekemiyan, gutarêkî girij, tundutîj û hemîşe
hêrşberaneye, ke pêwîste hemûman xomanî lê bedûr bigirîn; duwemiyan,
pêşkeşkirdinî rristey ciwanî serzarekiyye bebê nawerrok, emeş be rrastî çareserî
pê niye, sêyem û drusttrîn şêwazî axaftinîş eweye ke be şêwazêkî 'eqllanî,
wîjdanî û rrastgoyane qise bikeyn. Pêm waye em şêwazî sêyeme dewanêt beşêkî
giring bêt le çareserkirdinî girift û astengekanî em qonaxe.

Bo ewey giftûgoyekî drust bikeyn, pêwîste sê jor xwêndnewe yan rwange leyek jya
bikeynewe ke ewanîş: rwangey giştî, rwangey navend û rwangey taybetin. Lîreda em
sê rwangeye rruun dekemewe, çunke zor-car têgeyiştinekan tenya le çwarçêwey
milmllanêy Partî û Yekêtî-da kurt dekirênewe, be jorêk wêne dekrêt ke Kurdistan
tenya lem dû hêzeda kurt buwetewe. Em têrruwanîne le rruuy zanstî û waqi'iyewe
drust niye, çunke babeteke û bînîneke zor lewe frawanter-e û, nakrêt qise leser
beşêk (Kurdistan) bikeyn bê ewey seyrî koy haukîşe cîhaniyeke bikeyn. Ême
pêwîstman bem rwangey giştiye heye, eger tenya leser Partî û Yekêtî çrr
bibînewe, le haukîşe gewreke bêbeş debîn.

Têrruwanînî duwem "navend" eweye ke koy layenekanî naw pirosesey siyasiyeke
bibînîn, lem piroseseye-da Partî û Yekêtî be tenya bûnîyan niye, bellku komellêk
layenî dîke hen ke lenaw piroseseken û be xoyan dellên opozisiyon, boye jêgey
xoyetî bpirsîn: doxî opozisiyon çone? Opozisiyon bereu kwê hengau denêt?
Çarenûsî opozisiyon û ew xellkey hîwayan leser hellçinî, be kwê geyişt? Doxî
netewe û ayine jiyawazekanî Kurdistan çone û nakokî nîwaniyan leser çiye?

Boye eger têrruwanînî navend û guştgîr, têrruwanînêkî drust bêt bo em nawçeye,
ewa debêt gwê le hemû layenekan bigirîn bo ewey bitwanîn carêkî tir be aramiyewe
seyrî koy kêşekaman le herêmî Kurdistan bikeyn pêkewe û çareserî guncawiyan bo
bidozînewe.

Îinca dême ser têrruwanînî sêyem ke têrruwanînêkî taybete, wate em têrruwanîne
be jorêk-e ke tewawî pirosesey siyasiy û koy kêşekanî herêmî Kurdistan le navî
"Partî û Yekêtî"-da biçûk dekenewe, lemêş zîyater lem babeteda jorêk le
têkellkirdin le hellsengandini em dû layene "Partî û Yekêtî" bedî dekrêt. Beşêk
le hîzbekan, herdû layeneke be tewawî wek yek dadenên û berdewam pêkewe nawiyan
deben. Be birruay min, eme nadadperweriye, Partî û Yekêtî jiyawazin, her boyeş
nakokî lenîwaniyanda heye. Pêwîste hîzbekan, layenekan û roşinbîran lem rruwewe
be baş billên baş û be xira-ş billên xira, nakrêt ême berdewam herdû-la wek yek
wêne bikeyn. Lew şwêney gileyî yan rrexne le ser Partî heye, ba rrexne û
gileyiyekan bigutrêt û arastey Partî bikrên, lew şwêneş-da ke pêwîste rrexne le
Yekêtî bigîrêt, debêt bigutrêt: lîreda Yekêtî rrêzt le dengderanî xoyt negrtuwe,
nettuwanîwe haukar bît û hikumetî Kurdistan pêkhênît, yan netwanîwe rrêkkewtinî
kodeniyî Kurdî le Bexda drust bikeyt. Debêt rwangeyek hebet em rrastiyane
derbirrêt. Ewî ke hemûman bimanewêt be yek çau seyrî Partî û Yekêtî bikeyn,
karêkî zor xira-ye".

Cêgey webîrhênaneweye Serok Barzanî le beharî 1991 le Koyewe rraygeiyand debêt
em wollate bikeyne dewllatî yasa û bigerrênewe bo dengî xellkî Kurdistan û
hellbijardin encambideyn û boşayî damezrawekan prrbikeynewe, êstaş her ewe rrêge
drustekeye û debêt hemû layek rrêz le deng û îradey xellkî Kurdistan bigirêt.