Xwepêşanderên Lubnanê êrîşî ser çend wezaret û saziyên hikûmetê kirin û di navbera polîs û xwepêşanderan de pevçûn derket.

Ajansa Reuters ragihandiye; ji ber xwepêşandanan polîsekî jiyana xwe ji dest da û 177 xwepêşander birîndar bûn. Herwiha agir li Qada Şehîdan a Bêrûdê ketiye.

Hat ragihandin ku bi dehan xwepêşanderan êrîşî Wezareta Derve ya Lubnanê kirine û wêneya Mîşayl Ewn, Serokê Lubnanê şewitandine.

Xwepêşander herwiha çûne ser Wezareta Enerjî û Aborî jî.

Xwepêşanderên Bêrûdê daxwaza wê yekê dikin ku ewên bûne sedema teqîna mezin a roja sêşemê ku di encama wê de 158 kesan jiyana xwe ji dest dan û şeş hezar kes birîndar bûn, werin cezakirin.

Li aliyekî din jî Hesen Diyab, Serokwezîrê Lubnanê daxwaza hilbijartinên pêşwext dike.

K24