Li bajarokê Ezazê ya li bakurê parêzgeha Heleb a Sûriyê teqînek bihêz çê bû û li gor agahiyên destpêkê, di encama teqînê de 5 kes hatine kuştin û 85 kes birîndar bûne.

Teqîn li nêzîk gundê Siccu yê ser bi Ezazê û bi rêya otomobîleke bombekirî bûye.

Li gor agahiyan, di encama teqînî de 5 kes hatine kuştin û 85 kes jî birîndar bûne.

Birîndarên teqînê bi rêya ambulansa bo nexweşxaneyên li aliyê Bakurê Kurdistanê hatin veguhastin.

Navçeya Ezazê di jêr kontrola hêzên Tirkiyê û komên çekdar ên girêdayî wî welatî de ne.

Rewangeha Sûrî ya Mafên Mirovan (SOHR) jî dibêje, li gundê Siccu yê ser bi Ezazê ve û li nêzîk deriyê sînorî yê Bab el Hewayê otomobîleke bombekirî teqiyaye. SOHR amarek ciyawaz derbarê teqînê de daye û diyar kiriye, di encama teqînê de 7 kesan canê xwe ji dest dane û zêdetirî 60 kesan jî birîndar bûne.

Herwiha hêj ti aliyekê berpirsatiya encamdana teqînê li xwe negirtiye.

Îro danê sibehê li bajarê Efrînê yê Rojavayê Kurdistanê jî teqînek çê bibû û di encamê de 13 kes birîndar bibûn.

Rudaw