Li rojhilatê Dêre Zorê hejmareke çekdarên nenas êrîşî xaleke Hêzên Sûriya Demokratîk (HSD) kirin.

Li gor çavkaniyên xwecihî, hejmareke çekdarên nenas êrişî xaleke pişkinînê ya HSDê kirin li ser rêya di navbera Pira Meyadîn û gundê Hiwayic li gundewarê Dêre Zorê.

Li gor heman çavkaniyan di wê êrişê de 2 şervanên HSD canê xwe ji dest dane û 2 şervanên din jî birîndar bûne. Heta niha HSD ti zanyarî li ser vê nûçeyê belav nekiriye.

Li aliyê din topxaneyên Artêşa Tirkiyê û grûpên çekdaran ve şeva derbasbûyî, gundên Hoşan, Xalidiyê û Ebû Sirre li gundewarê nahiyeya Eyn Îsa topbaran kirin.

Herdu gundên Hoşan û Xalidiyê 4 kîlometre dûrî Nahiyeya Eyn Îsa dikeve. Li gor zanyariyan, heya derengî şevê jî, topbaran berdewam bû.

Ji aliyekî din ve gundên Huriye û Kur Hesen li rojavayê Girê Spî jî hatin topbarankirin lê heya niha ti zanyarî derbarê van topbarana van gundan nehatiye zanîn.

K24