Dr. Salar Osman, Berpirsê Beşa Rewşenbîrî û Ragihandina Partiya Demokrat a Kurdistanê: Bazneya Gotûbêjê armanc dike ku bi awayekî asoyî bifikire û bi tevahiya têgihiştinên cuda tabloyê baştir bixemilîne

 

 

Di merasîma nasandina pirtûka şeşemîn a Bazneya Gotûbêjê ya bi navê «Jînalojiya Nasnameyê di nav Hêzên Nexm ên Neteweyê de», Dr. Salar Osman gotara Beşa Rewşenbîrî û Ragihandina PDKê pêşkêş kir. Di vê gotarê de, tevî xêrhatina mêvanan, bal kişand ser rola Bazneya Gotûbêjê û ragihand: «Em kêfxweş in ku vê carê jî di yek ji wan bizavên girîng ên Beşa Rewşenbîrî û Ragihandinê de kom dibin, ku bizaveke şeş-mehî ye. Serkaniya wê vedigere bo çalakiyeke mehane ya Beşa Rewşenbîrî û Ragihandinê ku ew jî Bazneya Gotûbêjê ye. Ev bazne ev sê sal in her meh gotûbêjeke eşkere li ser mijareke girîng a neteweyî, nîştimanî û taybetmendiyên jiyana rojane ya xelkê birêve dibe. Her şeş mehan carekê jî, hemû ew babet, mijar, nêrîn û têgihiştinên cuda yên siyasî û çandî yên ku di gotûbêjan de hatine kirin, di du pirtûkan de bi du zimanên girîng (zimanê şirîn ê Kurdî û zimanê Erebî) têne komkirin û wek diyarî pêşkêşî bijardeya bîrewerên civaka Kurdî têne kirin. Îro jî berhema dawî ku pirtûka şeşemîn e, di vê merasîmê de tê pêşkêşkirin.»

Di beşeke din a gotara xwe de, taybet bi girîngiya gotûbêjê ji bo qonaxa niha, got: «Qonaxa niha, erk û kêşeyên wê, hemû ew alozî û çaverêkirinên ku hene, rola Partiya Demokrat a Kurdistanê, Cenabê Serok Barzanî û rola saziyên Herêma Kurdistanê bi giştî, me li beramberî komek pirs û bersivan radiwestînin ku pêwîst e em kûr bifikirin û bi serpêhatî derbas nebin. Ji ber wê, girîngî û pêwîstiya vê Bazneya Gotûbêjê di wê de ye ku bi awayekî stûnî (kûr) bîr dike û gotûbêj dike. Di gotûbêjkirinê de jî tenê xwe nabîne û naxwaze tenê bi serê xwe bi pirsan re rûbirû bibe, belku armanc ew e ku bi awayekî asoyî bifikire, nîqaş bike û pirs û bersivan çareser bike. Piştre di vê asoya berfireh a bîrkirinê de, dixwaze partî û aliyên siyasî nêrînên cuda û têgihiştinên çandî yên cuda bibînin. Çunke PDK baweriyeke kûr bi wê heye ku bi hev re em dikarin baştir bifikirin. Bi hemû têgihiştinên cuda em dikarin tabloyê baştir bixemilînin.»

Aliyekî din ê vê gotarê ku Berpirsê Beşa Rewşenbîrî û Ragihandinê tekezî li ser kir, komkirina hewlan bû ji bo dîtina çareseriyê û girtina berpirsiyariyê. Di vê çarçoveyê de got: «Bi girêdana hemû têgihiştinên cuda ber bi xala çareseriyê ve, em dikarin baştir berpirsiyariyên vê qonaxê bigrin ser milên xwe. Ev perwerde jî vedigere bo rêbaza Barzanî û PDKê û rênimayiyên Cenabê Serok Barzanî, ku berdewam fêrî me dike û hanê me dide ku em her kesî bibînin û dûrtirîn karakterê siyasî li Kurdistanê wek nêzîk bizanibin. Çunke PDK ew sîwana komker e ku xisleta nîştimanî û neteweyî ya komker di dirêjahiya dîrokê de heta îro parastiye. Ji ber wê, em bi şanazî li beramberî we rawestiyane û pirtûka şeşemîn pêşkêşî we dikin. Ev pirtûk bi xwe vegera bo pênc pirtûkên berê ye û sernavê wê jî "Jînalojiya Nasnameyê û lêgerîn û lêkolîn e bo pirsa nasnameyê di nav hêzên nexm ên neteweyê de". Ev babet û mijareke hên girîng e ku pêwîst e em hemû, bi taybetî lêkolîner, akademîsyen û rojnamevan, karê kûr û stûnî li ser bikin.»

Dr. Salar Osman di dawiya gotara xwe de tekez kir ku Beşa Rewşenbîrî û Ragihandinê dê berdewamiyê bide çalakiyên Bazneya Gotûbêjê û di vê derbarê de got: «Bila hemû ewên ku di warê siyasî û çandî de bîr dikin, Beşa Rewşenbîrî û Ragihandinê wek beş û mala xwe bizanibin. Dergehê me ji bo hemû partî û aliyên siyasî û ji bo hemû têgihiştinên cuda vekirî ye. Em bawer dikin ku her gotûbêjek dibe merhema birînên Kurdistan, Iraq û navçeyê. Her gotûbêjek destê me digre da ku em beşek ji alozî û girjiyên derûnî çareser bikin. Gotûbêj dikare wê reşbîniya ku li Iraqê heye ber bi rêyeke rasttir bibe. Her gotûbêj e ku dikare kabîneya vê carê zûtir pêk bîne, ku li wir bi şahidiya we hemûyan, Partiya Demokrat a Kurdistanê baştirîn destpêşxer û baştirîn pencereya ronî û baştirîn destê danûstandinê ye ji bo van pirsan.»