Li gor amarên nû yên Wezareta Tendirsutiyê, di 24 demjimêran de li Herêma Kurdistanê 6 kesên din bi vîrusa nû ya koronayê anku COVID-19 canê xwe ji dest dane û139 kesên din jî bi vê vîrusê ketine.

Wezareta Tendirustiya Herêma Kurdistanê, îro ragihand, di 24 demjimêrên bihorî de, pişkinîna koronayê ji bo 421 kesan hatiye kirin û li gor encamên wan pişkinînan, 139 kesên din li herêmê bi vîrusa COVID-19 ketine.

Li gor daxuyaniya wezaretê, 55 kes li îdareya Germiyanê, 40 kes li Hewlêrê, 31kes li Silêmaniyê, 9 kes li Helebce û 4 kes jî li Duhokê tûşî koronayê bûne.

Wezareta Tendirustiya Herêma Kurdistanê herwiha diyar kiriye, ji kesên ku îro bi sedema koronayê canê xwe ji dest dane, 3 kes li parêzgeha Silêmaniyê, 2 li Hewlêrê û kesek jî li Helbeceyê ye.

Hevdem 41 tûşbûyên koronayê jî li Herêma Kurdistanê baş bûne, ku 27 kes li Hewlêrê, 8 li Helebce û 6 jî li Germiyanê ne.

Li gor du heftiyên bihorî, îro rêjeya herî kêm a tûşbûna bi koronayê li Herêma Kurdistanê hatiye tomarkirin.

Ji destpêkê ve heta niha 130 hezar û 892 pişkinînên koronayê hatine kirin, ku li gor encamên wan pişkinînan, 5 hezar û 672 kes bi COVID-19 ketine û ji wê hejmarê jî 1 hezar û 675 kes jî baş bûne û 186 kesan jî canê xwe ji dest dane.

Niha li tevahiya Herêma Kurdistanê 3 hezar û 811 pêketiyên koronayê li nexweşxaneyan hatine razandin.

Rudaw