Cenazayê 7 karkerên çandiniyê yên ku li bajarê Konya yê Tirkiyê di qezaya trafîkê de canê xwe ji dest dabûn, îro li parêzeha Rihayê ya Bakurê Kurdistanê hatin veşartin.

Li bajarê Konyayê di encama bûyereke trafîkê de 7 karkerên Kurd ku 6 kes ji yek malbatê bûn canê xwe ji dest dabûn, cenazeyê wan bo Rihayê hatin şandin.

Cenazeyên Mehmet Okal, Ahmet Okal, Fida Okal, Medine Okla, Mehmet Okal û Îbrahim Okal ku ji heman malbatên bû û Mehmet Kuş ê ji heman taxê bû cenazeyê wan li taxa Yûkari Yazicî ya Eyyûbiyê ya Rihayê hatin veşartin.

Duh li li navçeya Yunak a ser bi bajarê Konyayê ve, mînîbusa ku malbateke karkerên Kurd tê bûn û barhilgirek li ser rêya Enqerê li wê navçeyê li hev qelibîn û di encamê de jê zarok 7 kesan canê xwe ji dest dabû û 11 kesên din jî birîndar bibûn.

Ew karkerên Kurd ji parêzgeha Riha ya Bakurê Kurdistanê ji bo peydakirina derfeta kar bi awayekî demkî, çûbûn bajarê Konyayê û karê komkirina nokan dikirin.

Birîndar li nexweşxaneya Yûnak û Akşehîra Konyayê tên tedawîkirin.

Rudaw