Partiya Demokratîk a Gelan (HDP) ragihand ku testa vîrusa koronay, ya cureya nû (Covid-19) ya 3 parlamenterên pozîtîv bûye û rewşa wan baş e.

Serokwekîlên Koma HDPê li Parlamentoya Tirkiyê Meral Daniş Beştaş û Saruhan Oluç derbarê rewşa hersê parlamenterên HDPê yên bi Covid-19ê ketine daxuyaniyeke nivîsa da.

Meral Daniş Beştaş û Saruhan Oluç, da zanîn ku ji partiya wan heta niha testa vîrusa koronayê ya 3 parlamenteran pozîtîf derketiye.

Serokwekîlên HDPê, dibêjin ku bi rêya xebatkarekî paqijiyê yê parlamentoyê vîrus derbasî parlamenterên wan bûye û niha di bin kontrola bijîjkan de ne û rewşa wan baş e.

Beştaş û Oluç herwiha didin zanîn ku çi pêşaheteyeke nû rû bide dê raya giştî agahdar bikin.

Li gor zanyariyên Rûdawê bidest xistine parlamenterên HDP'ê yên bi koronayê ketine ev in; Parlamentera HDPê ya Mêrdînê Pero Dundar, Parlamentera HDPê ya Şinexê Nuran Îmîr û Parlamenterê HDPê yê Mûşê Mensur Işik e.

K24