Êvara roja sêşemê 23.06.2020an Wezîrê Tendirustiya Herêma Kurdistanê, Dr. Saman Berzencî daxwaz kir, ji ber zêdebûna hejmara pêketiyên Koronayê li bajar û bajarokên Kurdistanê, qedexeya hatin û çûnê bo demeke diyarkirî were ragihandin.

Di konferanseke rojnamevanî Dr. Saman Berzencî ragihand, rojane bi kêmanî 300 hemwelatî hin caran ji vê jimarê zêdetir berketiyên nû yên pêketina koronayê li Herêma Kurdistanê tên tomarkirin Lewma pêwîste careke din biryara qedexeya hatin û çûnê li seranserê herêmê were ragihandin. Berzencî got, pêwîst e qedexeya hatin û çûnê ya di navbera parêzgehên Herêma Kurdistanê weke niha bi tundî berdewam be.

Herwiha Berzincî daxwaz kir, ku dewama fermanberan li herdu kertên giştî û taybet bo demeke diyarkirî û sînordar jî were ragirtin.

Li aliye din Dr. Saman Berzincî da zanîn divê maske û lepik bi awayekî zerûrî ji aliyê hemû kesî ve were bikaranîn û pêwîste hemû kes pabendî tedbîrên tendirustiyê bin.