Rêveberê navenda hevbeş a hemahengiya krîzan li encûmena wezîrên herêma Kurdistanê aşkera kir, li herêma Kurdistanê zêdetirî milyonekî koçber hene û sedî 70 xercên wan ji aliyê saziyên hikûmeta herêma Kurdistanê ve dabîn dibin.

Rêveberê navenda hevbeş a hemahengiya krîzan Hoşeng Mihemed ji BasNewsê re ragehand: ‘’Li herêma Kurdistanê zêdetirî milyonek koçber û penaberan heye ku 744 hezarê wan koçberên bajarên Iraqê ne û 264 hezarê wan jî koçberên Sûriyê û Rojavayê Kurdistanê û Tirkiye, Filîstîn û Îranê ne li çend kamp û navçeyekî jiyan dikin.’’

Herwaha got: ‘’Berê hikûmeta Iraqê û Netewên Yekbûyî alîkarî didan wan koçber û penaberan. Lê piştî serhildana vîrusa korona alîkariyên wan kêmbûn. Sedî 70 alîkarî û xerc ji aliyê fermangeh û saziyên hikûmeta herêma Kurdistanê ve tên dabîn kirin.’’

Basnews