Îro meşa mezin a HDPê ji Colemêrg û Edîrneyê ve destpê dike, lê belê li Colemêrg, Bedlîs, Wan, Şirnex, Edîrne, Kocaelî, Sakarya û Tekirdagê, bo dema 3 rojan çalakî hatin qedexekirin.

Biryar e meşa HDPê ya li Colemêrgê bi beşdariya Hevserokê HDPê Mithat Sancar û meşa HDPê ya li Edîrneyê jî bi beşdariya Hevseroka HDPê Pervîn Buldan bihê destpêkirin.

Têkildarî mijarê, Cîgirê Hevserokê HDPê Salim Kaplan ji Rûdawê re ragihand, ew ji parlemana Tirkiyê venakişin û destkeftên xwe ji AKPê re nahêlin.

Salim Kaplan hwerweha aşkere mkir ku meşa wan wê seet 11 ji Colemêrgê û Edirne destpê bike û li Enqerê kom bibin .

Ev qedexeya ku hikûmeta Tirkiyê li 9 parêzgehan ragihandiye, di demekê de ye ku HDPê xwe bo lidarxistina meşê amade kiriye. Ew meşên HDPê dê li Colemêrg û Edîrne ve bo Enqere bin.

Plana HDPê ya meşên li dijî jê stendina mafê parlamenteriya 2 parlamentêrên wê, di bin siya qedexeya çalakiyan de dibe.

HDP dixwaze bêyî molet û bi hebûn wê qedexeyê jî ji Colemêrga Bakurê Kurdistanê û Edirneyê dest bi meşên xwe bike heya digehin Enqerê.

Hikûmeta Tirkiyê jî bi hincetên ewlkarî û tendurstiyê li 4 parêzgehên Wan, Colemêrg, Bedlîs û Şirnex ên Bakurê Kurdistanê hemû çalakî qedexe kiriye.

Hevserokê HDPê yê Amedê Zeyad Ceylan jî ji Rûdawê re ragihand, di meşa HDPê de dê parlamenter û hevserokên bajaran û mecilisa HDPê û hevşaredarên HDPê beşdar bin.

Rudaw