Wezareta Geşepêdan û Hemahengiya Aborî ya Almanyayê ji ber pêla tundûtûjiyê li Sûriyê, bi taybetî li deverên Kurdî yên Rojavayê Kurdistanê, fikar û "şokbûn"eke kûr nîşan da û hişyarî da ku rewşa ewlehiyê hîn jî têk diçe û welat xetereya şerekî navxweyî yê berfireh re rû bi rû ye.

Wezîrê Federal a Geşepêdan û Hemahengiya Aborî Rim Radovan di daxuyaniyekê de got ku wêneyên ku di rojên dawî de ji Sûriyê tên "şokker" in û asta bêparbûna nifûsê ji ewlehî û parastinê nîşan didin. Wî tekez kir ku di vê qonaxê de, bidestxistina agirbestek pêbawer û pêbendbûna bi wê pir pêwîst e û divê neyê paşguhkirin.

Wezîrê Alman tekez kir ku aramiya mayînde li Sûriyê tenê bi rêya mafê diyarkirina çarenivîsê û jiyaneke azad ji bo hemî pêkhateyên etnîkî û olî dikare were bidestxistin. Wî got ku Kurd, Elewî, Xiristiyan, Durzî û Êzdî divê bikaribin li kêleka Ereban bêyî tirsa tundûtûjî, koçberiya bi zorê û zilmê bijîn.

Derbarê cewherê alîkariya welatê xwe de, Radovan got ku Almanya dê piştgiriya pêvajoya ji nû ve avakirinê ji bo berjewendiya sivîlan bidomîne, lê tekez kir ku ev alîkarî dê bi pereyê neqdî ji hikûmeta Şamê re neyên dayîn.

Di dawiya daxuyaniyê de, wezîrê pêşkeftinê yê Alman bang li civaka navneteweyî kir ku berpirsiyariyên xwe bigirin ser xwe û ne tenê çavdêriyê bikin, ji ber ku tiştên ku li Sûriyê diqewimin bandorek rasterast li ser herêmê û Ewropayê dikin. Wî tekez kir ku armanca wan zelal e: berpirsiyariya li hember mirovan û xebata ji bo Sûriyeyek yekgirtî, aştîxwaz û aram.

 

Basnews