Serokê Hikûmeta Herêma Kurdistanê Mesrûr Barzanî, di dirêjahiya hevdîtinên xwe yên di forma aborî ya Cîhanî ya Davosê de, îro 21.01.2026, li gel Wezîrê Karûbarên Encûmena Wezîran a dewleta Îmaratê Mihemed Qirqawî, civiya.

Di civînê de Serokê Hikûmetê spasiya welatê Îmaratê kir ji bo alîkarî û piştevaniya wê ya berdewam bo Herêma Kurdistanê, bi taybetî di warê perwerde û pêşxistina kapasîteya mirovî û îdarî ya saziyên Hikûmeta Herêma Kurdistanê de, ku roleke girîng di baştirkirina performansa karmendan de lîstiye.

Her di wê hevdîtinê de, Mesrûr Barzanî spasî û pêzanînên xwe yên taybet ji bo Şêx Mihemed bin Zayid Al Nehyan, Serokê Îmaratê û Şêx Mihemed bin Raşid Al Mektûm, cîgirê Serok û Serokwezîrê Îmaratê kir, bo wê piştevaniya berdewam a ku li Herêma Kurdistan kirine di demên cuda cuda de.

Ji aliyê xwe ve Wezîrê Karûbarê Encûmena Wezîrên Îmaratê Mihemed Qirqawî, pesnên pêngavên Hikûmeta Herêma Kurdistanê kir bo çaksazî û pêşketinan. Herwaha amadebûna welatê xwe dubare kiriye bo berdewambûna alîkarî û hemahengiyên li gel Herêma Kurdistanê di ware cûrbecûr de bi armanca geheştina bi asta herî bilind a pratîk a rêvebiriyê.

 

Basnews