Îro 04.01.2026ê, çavkaniyek ji Polîtburoya Partiya Demokrat a Kurdistanê (PDK)ê ragehand ku serokatiya fraksiyona PDKê li parlementoya Iraqê hatiye guhertin.

Li gor heman çavkaniyê, Şaxewan Ebdula wek serokê nû yê fraksiyona Partiya Demokrat a Kurdistanê (PDK) hat destnîşankirin û dê cihê Ferhad Etroşî de ku serokê berê yê fraksiyonê bû bigire.

Ev biryar di çarçoveya guhertinên navxweyî yên PDKê û ji nû ve rêxistinkirina karê fraksiyonê li Bexdayê de tê.

Roja Sêşemê, 30ê Kanûn a 2025an, Partiya Demokrat a Kurdistanê (PDK) Şaxewan Abdullah ji berbijêriya cîgirê duyemîn ê serokê parlementoya Iraqê vekişand û di cîhê wî de serokê fraksiyona partiyê Ferhad Etroşî wek berbijêrê cîgirê serokê Parlamentoya Iraqê yê duyem danî.

 

Rudaw