Mekteba Siyasî ya Partiya Demokrat a Kurdistanê (PDK) bi boneya jidayikbûna Îsa Mesîh û Noelê peyamek pîrozbahiyê ji xwişk û birayên Xiristiyan ên li Herêma Kurdistanê, Iraqê û cîhanê re şand. Di peyama îro, 25ê Kanûnê 2025an de hat weşandin de, PDKê xwest ku ev cejn aştî, bextewarî û bidawîanîna êşan bîne, di heman demê de bi germî pîrozbahî li pêkhateya Xiristiyan kir, ku beşek xwecihî û girîng a civaka Kurdistanê ye.

Partiya Demokrat a Kurdistanê (PDK) di peyama xwe de got, Herêma Kurdistanê wek berdewam bê cudayî welat û cîhê hemû pêkhateyên cuda ye û wek landik û dergûşa dîrokî ya pêkvejiyan xweşbînî û biratiyê dê bimîne. Hate tekez kirin ku parastina vê çandê û pêkvejiyana aştiyane ya ol û neteweyên cuda bi saya aramî û rehetiya saziya siyasî ya rewa ya Herêma Kurdistanê pêk hatiye, ku ew cîhê serbilindiyê ye ji bo hemû aliyan û garantiyeke ji bo parastina mafê mirov li navçeyê ye.

Di dawiya peyama xwe de, Mekteba Siyasî ya PDKê dubare kir ku ew ji bo xurtkirina çanda kevnar a cihêrengiyê li Kurdistanê pêbend in û dê ji bo ku welat di pêşerojê de geştir û aramtir bibe bixebitin. Herwaha hêvî xwest ku hewl dê ji bo bidestxistina serfirazî û destkeftiyên bêtir ji bo hemî welatiyên hemî pêkhateyan werin dayîn û Herêma Kurdistanê dê wekî mînakek geş a tolerans û aştiyê li herêmê bimîne.

 

K24