Wezareta Pêşmerge ragehand, bi tundî reftarên kirêt ên çend leşkerên artêşa Iraqê em şermezar dikin ku li Duzxurmatû êrîşî ciwanekî Kurd kirin û sedem jî tenê ji ber ji ber ku wî ala Kurdistanê hilgirtibû.

Wezareta Pêşmerge got, "Em bi tundî reftara kirêt a leşkerên artêşa Iraqê yên ku li Duzxurmatûyê êrîşî ciwanekî Kurd kirin, tenê ji ber ku wî ala Kurdistanê hilgirtibû, şermezar dikin."

Wezareta Pêşmerge ragehand: "Ev bûyer binpêkirinek eşkere ya mafên bingehîn ên mirovan e. Ala Kurdistanê sembola nasname û serbilindiya Kurdistanê ye, ku di Iraqeke demokratîk û federal de ji hêla destûrê ve tê nas kirin. Ti kesek nabe ji ber bilindkirina ala Kurdistanê bibe armanca tundî û destdirêjiyê.’’

Herwaha hat ragehandin: "Em bang li rayedarên yasayî û Fermandariya Operasyonên Hevbeş a Iraqê dikin ku zû tevbigerin û li ser vê bûyerê berpirsiyariyek cidî bigirin û kesên berpirsiyarê vê kiryarê werin darizandin û pêşî li dubarebûna van kiryarên nexwestî bigirin. Ji ber ku ew xizmetê ji aştiya pêkvejiyana pêkhateyên wê navçeyê re nake."

 

 

Basnews