Li ser fermana Serokê Hikûmeta Herêma Kurdistanê, biryar hat dan ku pirsgirêka mûçeyên wan efser, piledar û Pêşmergeyên ku piştî 1.1.2025ê malnişîn-teqawut bûne bê çareserkirina.

Malpera Hikûmeta Herêma Kurdistanê îro 5.11.2025, ragihandinek parve kir û tê de eşkere kir: “Li ser fermana Serokê Hikûmeta Herêma Kurdistanê Mesrûr Barzanî, biryar hat dan ku pirsgirêka mûçeyên wan efser, piledar û Pêşmergeyên ku piştî 1.1.2025ê malnişîn bûne û mûçeyên wan ji aliyê hikûmeta federal ve nehatine dan bê çareserkirin.”

Li gorî ragihandina wê malperê, Serokwezîrê Herêma Kurdistanê Wezareta Darayî û Aborî raspart ku, sibe (Pêncşem, 6.11.2025) mûçeyekê wekî pêşîne li ser dahata navxwe ya Herêma Kurdistanê xerc bike û ev pirsgirêk jî bi zûtirîn dem bê çareserkirin.

 

Basnews