Şanda Dem Partiyê bi Serokomarê Tirkiyê Recep Tayyip Erdogan re civiya û di ragihandinekê de got ku, wan nêrîn û pêşniyarên xwe berçav kirine.

Şanda Dem Partiyê îro 30.10.2025, ji bo cara sêyê bi Serokomarê Tirkiyê Recep Tayyip Erdogan re civiya.

Dem Partiyê piştî wê civînê ragihandinek parve kir û tê de got ku, Endamên Şanda Îmraliyê Pervin Buldan û Mithat Sancar bi Serokkomarê Tirkiyê re li ser pêngavên pêvajoya aştiyê civiyan.

Wê ragihandinê amaje jî da: “Di wê civînê de, ku nêzîkî saetekê dom kir û Serokê Saziya Îstîxbarata Mîlî ya Tirk (MÎT) Îbrahîm Kalin jî beşdarî wê civînê bibû, Şanda Dem Partiyê nêrîn û pêşniyarên xwe li ser rewşa niha ya pêvajoya aştiyê û civaka demokratîk û kiryarên paşerojê pêşkêş kirin.

Civîna yekê ya Şanda Dem Partiyê ji bo Îmraliyê û Serokkomarê Tirkiyê li roja 10ê Nîsana îsal hat kirin, ku Pervin Buldan û endamê koçkirî yê Şanda Dem Partiyê ji bo Îmraliyê Sırrı Süreyya Onder tevlî wê bûbûn.

Civîna duyê jî ya Şanda Dem Partiyê ji bo Îmraliyê û Serokkomarê Tirkiyê li roja 7ê Tîrmeha îsal hat kirin, ku Parvîn Buldan û Mithat Sancar tevlî wê bûbûn.

 

 

Basnews