Serokê demkî yê Sûriyê Ehmed Şera dibêje ku têkiliyên wî yên mînakî bi Tirkiye, Erebistana Siûdî, Qeter û Îmaratên Erebî yên Yekbûyî re hene, ku berevajî Iraq û Misrê dewletên serkeftî ne.

Serokê demkî yê Sûriyê Ehmed Şera ji ber gotinên xwe yên li ser Iraq û Misrê, ku Erebistana Siûdî, Îmarat û Qeter wek dewletên serkeftî bi nav kir, di nav çalakvanên medyaya civakî de bertekên berfireh derxist holê.

Li gor nûçeya CNNê daxuyaniyên Şera bûne sedemên bertekan û di dema civînekê de li konferansa Înîsiyatîfa Veberhênana Pêşerojê ya 2025an li Riyadê ragehand: "Em (li Sûriyê) xwedî îmtiyazên mezin in ger ev bi vê nêrîna (Vîzyona Siûdiye bo 2030) hev bigrin, dê bi cureyek temamkirina hev ava bibe."

Herwaha got: "Îro Sûriyê peywendiyekî mînak li gel Tirkiye û herwaha peywendiyekî mînakî li gel qraliyeta Erebistana Siûdî û herwaha li gel Qeter û Îmaratên Erebî yên Yekbûyî re hene. Ev welatên serkeftî ne. Bi baweriya min û li gel rêzgirtina li welatên din, welatên mîna Misir, Iraq û yên din jî serkeftî ne, lê ew dewletane bi hewldanên zêde û lezekî zêde ve kar dikin û hemdem in li gel wan guhertinên li cîhanê pêktên û herwaha pêşkeftina teknolojîk û tiştên din.

 

Basnews