Bi amadebûna Serok Mesûd Barzanî, îro 28ê Cotmehê li Dihokê, pêncemîn Konferansa Zanistî ya Navdewletî ya hevbeş a Wezareta Xwendina Bilind û Lêkolîna Zanistî û Wezareta Tenduristiyê dest pê kir.

Konferans di bin navê "Belgekirina Zanistî ya Tawanên Enfalê û Gorên Bikomî, ber bi Naskirina Navdewletî ya Jenosîda Gelê Kurd" ve tê lidarxistin. Armanca sereke ya konferansê komkirina belge û lêkolînên zanistî ye ji bo ku van tawanan li qada navdewletî weke jenosîd bidin naskirin.

Lêkolîn û gotûbêjên konferansê dê li ser çend mijarên serekî û girîng bisekinin, ku ev in:

- Antropolojiya bijîşkiya dadwerî.

- Naskirina doza jenosîda Êzidiyan.

- Lêkolînên li ser gorên komî.

- Rola DNAyê û naskirina genetîkî ya qurbaniyan.

-Aliyên yasayî yên tawana jenosîdê.

- Bandorên çekên kîmyewî li ser gelê Kurd.

- Metodên belgekirina jenosîdê.

• Encamên derûnî û civakî yên jenosîdê û trawmayên piştî Enfalê.

K24