Nivîskar Mamosta Yasîn Birahîm di roja daweta keça xwe de, hin pirtûk wek diyarî pêşkeşî keça xwe kir.

Vê derbarê de Mamosta Yasîn Birahîm got: ‘’Ji bo nasandin û heskirina li hember pirtûk û xwandinê di nav xelkê de pêşbikeve, min xwest daweta keça xwe bikim vesîleyek û vê derbarê de hinek cudatir bim. Di cîha ku ez gulan wek diyarî pêşkeş bikim, min pirtûkên di warê zewac û perwerde û pêşxistina aliyên mirovî û perwerdeya wê pêşkeşî keça xwe kirin.’’

Herwaha got: Peyama min ew bû ji bo keça min û herwaha ji bo xelkê jî, piştî temamkirina zanîngehê û destpêkirina proseya jiyana hevbeş û zewacê, zêdetir pêwîstî bi xwe avakirin û xwe bi bingehkirin û xwe ronahîkirin û rewşenbîriyê heye. Ew jî dikare bi rêya pirtûkan, bi awayekî xweşik pêkbê û baştir mirov dikare jiyanê têbigehe û bibe mirovekî jîr û baş û paqij û çalak û serkeftî.’’

 

Basnews