Kesayetekî olî li Helebçeyê dibêje ku hikûmetê li ser bingeha serdana me ya ji bo gel Serok Barzanî biryar daye ku çend projeyên xizmetguzariyê ji bo Helebçeyê peyda bike.

Mamosteyê olî û endamê Komîteya Piştgiriya Parêzgeha Helebçeyê Kemal Emîn Gulpî ji BasNewsê re got: "Me di demên berê de ji bo pêşkeşkirina hin daxwazên xizmetguzarî û pêşxistina parêzgeha Helebceyê me li çend deriyan xist da, lê ti kesekî wek Serok Barzanî derî ji me re venekir û pêşwazî li me nekir û guh nedan daxwazên me.’’

Herwaha got: "Cenabê Serok Barzanî guhdariya daxwazên me kir û soz da ku dê dudilî neke ku aliyên peywendîdar ji bo peydakirina xizmetguzariyê ji parêzgeha Helebçeyê re destnîşan bike, ji ber vê yekê îro li ser bingeha serdana Serok Barzanî, Encûmena Wezîran hejmarek biryar derxist.’’

Herwaha got, ku parêzgeha Helebçeyê bi destekî bihêz ji bo wêrankirina bingeh û serxana wê hate lêdan da ku binesaziya wê were hilweşandin, lê em Hikûmeta Herêma Kurdistanê û aliyên peywendîdar wek destê bihêz dibînin ku dê parêzgeha wan carekê ji nû ve ava bike.

 

Basnews