Nivîskarekî li Helebçeyê dibêje ku Partiya Demokrat a Kurdistanê (PDK) giraniya xwe dê her bimîne û dê li Iraq û Herêma Kurdistanê wek partiya yekem bimîne.

Rêbîn Rehîm, nivîskarekî li Helebçeyê ji BasNewsê re got: "Mirov dipirsin çima divê em dengê xwe bidin lîsteya 275 a Partiya Demokrat a Kurdistanê (PDK)? Bersiv hêsan e. Ji ber ku nabe tenê wek partiyekî siyasî ya teqlîdî lê PDKê bê nêrandin, di berxwe de, yan jî ji ber rewşekî hatibe ava kirin, berovajî wê PDK xwedî dîrokekî rêberiyê ye ku temenê wê zêdetir ji temenê dewleta bi nav Iraq e."

Herwaha got: "PDK mîratgirê rêya pîroz a Barzan e, ku rêya rastîn a Kurdbûnê ye. Ew ji sed salî zêdetir têdikoşe. Bêyî PDKê ti destkeft ji bo gelê Kurd nehatiye bidestxistin. Belgeya herî baş jî rêkeftin û peymana 11ê Adar a sala 1970yê ya di navbera şoreş û dewleta Iraqê de, ji ber vê yekê vê peymanê Iraq neçar kir ku hin mafên gelê Kurd bi fermî nas bike."

Rêbîn Rehîm diyar kir: "Ji Eniya Kurdistanê bigre ku Birêz Îdrîs ê canemerg endezyarî kir, heta serhildana mezin a Kurdan a bi serokatiya Serok Barzanî, heta hilbijartinên parlementoya Kurdistanê û xurtkirina demokrasiyê ku Serok Barzanî di rojên destpêkê yên serhildana li Koyê de banga wê kir, PDK xwediyê rastîn ê referandûmê ye û destanên Pirde, Sihêla, Telisqof, Mexmûr, Mehmûdiye û Zumar û PDK xwediyê rastîn ên wan hemû destkeftane."

Nivîskarê Helebcê got ku ji hilweşandina rejîma berê ya Iraqê bigire heta nivîsandina destûrê û redkirina federalîzma parêzgehan ku yên din îmze kiribûn, heta serkeftina li ser DAIŞê ya terorîst a bi serokatiya Serok Barzanî û têkbirina êrîşa milîsên Heşdî Şeibî. Komplo, rûbirûbûna krîzan û berdewamiya xizmetan li Kurdistanê, nemaze li cihên ku PDK xwedî hêz e û nayê astengkirin, delîlên herî baş in ji bo dengdêrên Kurd ku dengê xwe bidin Lîsteya 275 a Partiya Demokrat a Kurdistanê.

 

Basnews