Balyozxaneya Brîtanyayê li Bexdayê pêşwaziya rêkeftina dîrokî ya di navbera Hikûmeta Herêma Kurdistanê û Hikûmeta Federal a Iraqê de dike.

Balyozxaneya Brîtanyayê di daxuyaniyekê de got: "Ev rêkeftin gaveke girîng e ber bi veberhênaneke xurttir û geşedaneke mezintir ji bo hemû Iraqiyan."

Duh derbarê rêkeftina di navbera Hikûmeta Herêma Kurdistanê û şîrketên hilberîna petrolê li gel Wezareta Petrolê ya Iraqê hat ragehandin û Serokê Hikûmeta Herêma Kurdistanê peyamek belav kir û ragehand: Bi vê pêngavê careke din dubare zeviyên petrolê yên Kurdistanê bi bazara cîhanî ya petrolê re hatin girêdan.

Serokwezîr Mesrûr Barzanî roja Pêncşemê, 25ê Îlona 2025an, got ku rêkeftina di navbera Herêma Kurdistanê û şîrketên hilberînerên petrolê de bi Wezareta Petrolê ya Federal a Iraqê û SOMO re serkeftina hewldanên hemû aliyan bû. Ew girêdayî hev bûn. Bi vê pêngavê re careke din dubare zevî û parzûngehên petrolê yên Kurdistanê bi bazara cîhanî ya petrolê re hatin girêdan.

Serokê Hikûmetê got: "Ez pîrozbahiyê li her kesî dikim, bi taybetî gelê berxwedêr ê Kurdistanê, ku di vê roja dîrokî de astengiyeke mezin ji bo dabînkirina mafên darayî yên gelê Kurd rakirin û bi hinardekirina petrola Kurdistanê, em tekezî li ser bicîhanîna hemû mafên destûrî yên Herêma Kurdistanê dikin."

Basnews