Parlamenterekî Iraqî hişyarî da ku Dewletên Yekbûyî yên Amerîkayê lambeya kesk ji bo Îsraîlê pêxistiye ku êrîşî Iraqê bike.

Parlamenterê Iraqê Arif Hemamî ji Baxdad El-Yewm re ragehand: "Xuya dike ku Îsraîl dê li Iraqê bide. Îsraîl ji ber çend sedeman dikare êrîşî Iraqê bike. Rojhilata Navîn di guhertinan re derbas dibe û Dewletên Yekbûyî yên Amerîkayê lambeya kesk ji bo Îsraîlê pêxistiye ku êrîşî hin welatên erebî bike, ku herî dawiyê jî êrîşî Qeterê kir."

Herwaha got: "Îsraîl qanûna navneteweyî nas nake û ji welatên rojavayî piştgiriyek bêdawî heye, ku ev yek metirsîdar e."

Navborî ragehand: "Armanckirina Qeterê ji aliyê Îsraîlê ve di demekê de tê ku Qeter nêzîkî Waşingtonê ye û ji aliyê din ve Îsraîl bê ku guhbide tiştekî Qeter bombebaran kir."

Arif Hemamî got: "Iraq derveyî wan welatên ku Îsraîl dixwaze êrîşî wan bike nîne û divê em hemî hewldana xeternak a ku Îsraîl dixwaze bi van kiryaran kaosê çêbike bibînin."

 

Basnews