Babekir Zêbarî: Heşdî Şeibî di şerê Îsraîl û Îranê de cîh bigre, dê weke Hemas û Hizbulahê be
Fermandarê berê yê Iraqê di derbarê xwe xistina nav şerê Îran û Îsraîlê ya Milîsên Iraqê hişyarî dike, di heman demê de li kişandina artêşa Amerîkayê jî li Iraqê hişyarî dide.
Fermandarê giştî yê berê yê Iraqê Babekir Zêbarî ji BasNewsê re ragehand: "Hebûna leşkerên Amerîkî li Iraqê hêzek pir baş e ji bo artêşa Iraqê. Mayîna wan li Iraqê girîng bû. Ez nizanim Iraqê ji kîjan perspektîfê ev biryar daye, beşeke din a pêywendî bi mijara navçeyê ve heye, bi taybetî di hevdîtinên di navbera Îran û Dewletên Yekbûyî de rêkeftinek çênebû, ji ber vê yekê îhtîmala şer dîsa li herêmê vekirî dimîne, û di hundirê Iraqê de hin kom hene ku artêşa Iraqê nas nakin, her çend hejmara wan kêm be jî, lê ew xeternak in, ji ber vê yekê tirs heye ku di bûyera şerekî di navbera Îran û Îsraîl an Dewletên Yekbûyî de, ev kom dê Iraqê tevlî şer bikin. Beşek din a tirsê li ser Iraqê ev e ku %92ê dahata Iraqê ji petrolê tê. Ger Iraq tevlî şerê di navbera Îsraîl û Dewletên Yekbûyî de bibe, ew ê mîna Hamas, Hizbulah û Hûsiyan bin ji ber ku ew xwedî hêz û teknolojiya Amerîkayê nînin. Çawa ku wan welatê xwe wêran kir, Heşdî Şeibî jî ji ya wan zêdetir nikare bike.”
Herwaha dibêje, "Mayîna Dewletên Yekbûyî ya Amerîkayê li Iraqê, ti tiştekî ji rewşa Amerîkayê naguhere. Eger bimîne, dibe ku ji ber şer zirardar be. Karê wan bi piranî ji esmanve tê kirin. Yanî li Iraqê eger komên Heşdî Şeibî ji Iraqê êrîşî berjewendiyên Amerîka û Îsraîlê bikin, bê guman ew ê werin têkbirin.”
Şêwirmendê Serokê Herêma Kurdistanê herwaha ragehand, Amerîka di vê navçeyê de şerê rûbirûbûnê nake, şerê wê dê bi rêya mûşek û dronan ve bê kirin.”
Herwaha dibêje, "Kurdistan ji bo Dewletên Yekbûyî û hevalbendên wê cihê herî ewle yê Rojhilata Navîn e. Ti gef li ser wan tune. Erdnîgariya Kurdistanê li Rojhilata Navîn girîng û bi bandor e. Divê ew hêzên xwe bibin Rojavayê Kurdistanê û hin ji wan li Hewlêrê bi cih bikin."
Zêbarî dibêje, "Hevpeyman berdewam dike ku alîkariya Pêşmergeyan bike û hîn jî hevrêzî heye û budçeya ji bo 2025-an hatiye destnîşankirin, ku Pêşmerge jî tê de ye.”
Basnews
