Wezareta Navxwe ya Iraqê ji ber nebûna pergalên vemirandina agir zêdetirî 500 cih girtine, di heman demê de biryare îro li Bexdayê ji ber bûyera şewata li hîpermarketa Kornîş a li parêzgeha Kut xwepêşandanên mezin bêne lidarxistin.

Li gor Kurdistan 24, îro Înê, 25ê Tîrmeha 2025an, piraniya navendên kirînê yên li Bexdayê şert û mercên ewlehiyê nînin, her sal di havînê de li bajarên Iraqê navendên kirînê û kargeh ji ber nebûna şert û mercên ewlehiyê dişewitin. Ev jî nîgeraniyê li kolanên Iraqê de ava kiriye, biryar waye piştî nîvro a îro înê, xwepêşandanên berfireh li qadên Tehrîr li Bexdayê birêve biçin.

Herwaha Wezîrê Navxwe ferman da ku hemû cihên ku li gorî şertên ewlehiyê li Bexdayê û hemû parêzgehên din ên Iraqê nînin werin girtin, di pênc rojan de li Bexdayê zêdetirî 500 dikan, navendên kirînê, bazar û avahiyên bazirganî yên ku pergalên vemirandina agir nînin hatin şewitandin.

Nêzîkî 70 kes, di nav wan de jin, mêr û zarok hebûn, roja Pêncşemê di şewata li hîpermarketek li bajarê Kut de jiyana xwe ji dest dan.

Piştî vê bûyerê, xwepêşandanên berfireh li bajêr dest pê kirin û welatiyan daxwaza îstifaya rayedarên bajêr kirin, komîteya Wezareta navxwe biryar da ku 17 rayedar, karmend û sê efserên li parêzgehê ji bo lêpirsînê demkî ji kar dûr bixe.

 

Basnews