Berdevkê Wezareta Derve ya Amerîkayê Tommy Bruce îro duşemê ragehand ku Amerîkayê bi tundî li dijî projeyasaya Iraqê ya ku armanc dike hêzên Heşdî Şebî saz bike, derketiye û hişyarî da ku ew li dijî armancên ewlehiyê yên hevbeş ên Waşingtonê bi Bexdayê re ye.

Berdevka Wezareta Derve Tammy Bruce ji The New Region re ragehand: "Dewletên Yekbûyî yên Amerîkayê bi tundî li dijî her qanûnekê ye ku bi armancên hevkariya me ya ewlehiyê ya dualî û şirîkatiya me re ne lihevhatî be û li dijî xurtkirina saziyên ewlekariyên niha ên Iraqê û serweriya rastîn  a Iraqê ye."

Bruce rexne li wê yasayê kir û bi "gaveke pir bêkêr" binav kir û got ku ew ê fermîbûnê bibexşin komên çekdar ên ku pêywendiya wan bi qeware û rêberên terorîst ve heye, ku hin ji wan berjewendiyên Amerîkayê hedef girtine û karmendên Amerîkî kuştine.

Ev projeyasa, ku di meha Sibatê de ji hêla Encumena Wezîran a Iraqê ve wekî pêşnûmeyek hate pejirandin, qanûnek xizmet û teqawidiyê ji bo Heşdî Şebî vedihewîne û hewl dide ku hêzan bi saziyên din ên ewlehiyê yên Iraqê re li hev bike.

Heşdî Şebî di sala 2014an de li ser vexwendina Ayetullah Elî Sîstanî piştî hilketina DAIŞê hate damezrandin, û paşê di nav hêzên çekdar ên fermî yên Iraqê de hate tevlîkirin û heman îmtiyazên artêşa birêkûpêk jê re hatin dayîn. Lêbelê, Heşda Şebî têkiliyên nêzîk bi Îranê re heye û baskên wê hene ku bi êrîşkirina berjewendîyên Amerîkî li Iraqê têne tawanbarkirin, nemaze piştî êrîşa bêpîlot a Amerîkî ya 2020-an ku Qasim Silêmanî li Bexdayê hedef girt.

 

Basnews