NBC News ragihand ku Nûnerê Taybet ê Amerîkayê Steve Witkov dê bi rayedarên Îranî re li ser rawestandina dewlemendkirina uranyûmê hevdîtinan bike.

Li gorî raporê, Amerîka û Îran dê li ser rawestandina dewlemendkirina uranyûmê li hember sivikkirina dorpêçan de gotûbêj bikin.

Ev jî, di çarçoveya hewldanên dîplomatîk e ji bo kontrolkirina tengezariyên  û atomî vekirina kanalên rasterast ên ragihandinê di navbera Washington û Tehranê de, ji ber rewşa bêçalak a ku bi mehan e danûstandinên fermî dorpêç kiriye.

Wezîrê Derve yê Îranê Ebas Eraqçî amadebûna welatê xwe ji bo ji nû ve destpêkirina danûstandinên atomî bi Amerîkayê re nîşan da, her çend wî bang li Serokê Amerîkayê Donald Trump kir ku gotinên xwe yên li dijî Îran û Xameneyî nerimtir bike.

Eraqçî di postek li ser Platforma X de ragehand, "Ger Trump di xwesteka xwe ya gihîştina rêkeftinekê de dilsoz be, divê dev ji heqaretkirina Rêberê Bilind Elî Xameneyî berde û dev ji tacîzkirina bi mîlyonan şopînerên xwe yên dilsoz berde."

Trump berê gotibû ku dê hefteya bê danûstandinên nû bi Îranê re werin lidarxistin, lê ti hûrgulî neda.

Gera şeşemîn a danûstandinan di navbera Washington û Tehranê de li ser bernameya atomî ya Îranê ji bo 15ê Hezîrana 2025an hatibû plankirin, lê piştî ku hêzên Îsraîlê êrîşên hewayî li dijî Îranê dest pê kirin, hate betalkirin.

 

Rudaw