Endamekî Parlamentoya Kurdistanê behsa giringiya wê serdana heftiya borî ya serdana Serokê Hikûmeta Herêma Kurdistanê Mesrûr Barzanî dike ku li ser vexwandina fermî ji bo Amerîkayê kiribû û dibêje; tenê dijminên Kurdistanê û kirêgirtiyên wan ji wê serdanê aciz bûn.

Endamê Parlamentoya Kurdistanê ji fraksiyona PDKê, Serwan Ehmed Herkî, ji BasNewsê re got: "Di dema serdanê de, Serokê Hikûmeta Herêma Kurdistanê gelek hevdîtin bi rayedarên payebilind ên Amerîkî re kir û du peyman di navbera Hikûmeta Herêma Kurdistanê û du şîrketên Amerîkî de di warê enerjiyê de hatin îmzekirin. Lê li hember wê Wezareta Petrola Iraqê ji aliyekî û xwefiroş û çend kesekî kole û sivik û firsetçî û berjewendîxwaz ji aliyekî din ve çavê wan bi pêşketinên Herêma Kurdistanê bar nabe û dijatiye wan peymanan kirin.

Ji aliyekî din ve, kesên firsendxwaz û berjewendiyên taybet, ku pêşketina Herêma Kurdistanê nabînin, li dijî peymanan derketin."

Herwaha got: "Pêşwaziya ku ji Birêz Mesrûr Barzani re hat kirin bêhempa bû. Nîşaneyên ku hene diyar dikin ku Kurdistan li ser nexşeya Rojhilata Navîn xwedî cihekî xurt e û di rewşa her guhertinek li herêmê de paşerojek geş li benda wê ye."

Parlamenterê PDKê diyar kir: "Piraniya medyaya navneteweyî, bi taybetî medyaya erebî, ragihand ku Dewletên Yekbûyî yên Amerîkayê piştgiriyê dide hewildanên Hikûmeta Herêma Kurdistanê, hikûmeta Iraqê nikare pêşveçûna wan asteng bike û dê gavên serxwebûnê bidomîne. Herwaha hevdîtinên Birêz Mesrûr Barzanî li gel wezîr û senator û endamên kongreyê, neyar û xwefiroş xistiye rewşa hîsteryayê û cureyên cuda dijatiya xwe dûr li hemû bingehên exlaq radigehînin. Êdî geheştin wê astê û nefamiyê ku şiroveyên wisa beredayî dikin û dibêjin; ew berpirsên payebilind ên Amerîkayê, PDKyî ne.’’

Herwaha got: "Pêşveçûna Kurdistanê bi her awayî berdewam dike. Xiyanetkar her rêyekê digirin da ku hin kesên nezan kom bikin û dîmenên xweşik û rewşa Herêma Kurdistanê bêrûmet bikin. Ji ber ku armancên me zelal in û Kurdistan di destên ewle de ye, bi piştgiriya Xwedê û serokatiya Serok Barzanî, gavên Serokwezîr hêvî didin û dê me nêzîkî serkeftinê bikin û em ê bigihîjin qeraxa aramiyê."

 

Basnews