Bi armanca bicîhgehandina ferza Hecê îro 17.05.2025ê yekem karwanê haciyên Kurdistanê li bajarê Hewlêrê ve ber bi Siûdiyê ve birêketin.

Rêveberê Giştî yê Hec û Umre ya Kurdistanê Şêx Niyaz Raxib Neqşîbendî ji çapemeniyê re ragehand: ‘’Îsal li gor rêjeya rûniştvanên Kurdistanê 5 hezar 136 kes dê ferza hecê bicîhbînin. Li gor daxwaza heciyan jî ewên ku dixwazin bi rêya bejayî ve biçin 1600 hecî ne û ewên bi rêya balefirgehên navnetewî yên Hewlêr û Silêmaniyê ve jî diçin 3 hezar û 536 kes in.

Herwaha got, Hikûmeta Herêma Kurdistanê 4 milyar dînar wek alîkariya madî pêşkeşî heciyan kiriye, ji bo her heciyek di navbera 650 heta 850 hezar dînaran alîkarî ji wan re hatiye kirin û derveyî wê jî dolar bi nirxê bankaya navendî hatiye dabîn kirin û tîma birêveber û rênîşaniyên olî û tîmên tenduristiyê ji bo hemû heciyan hatiye dabîn kirin ku heta diçin û tên jî dê ew tîmane li gel wan bin.

 

Basnews