Hêzên Pêşmergeyên Kurdistanê îro sibê li sînorê Germiyan operasyonek li dijî çekdarên DAIŞê pêk anîn û di encamê de pêşmergeyek bi sivik birîndar bû.

Cîgirê Fermandeyê Hêzên Pêşmerge li Germiyan Qareman Kemal ji Rûdawê re diyar kir ku îro Yekşemê 9ê Sibatê li herêma Germiyan û derdora wê operasyoneke berfireh li dijî çekdarên DAIŞê pêk anîn û got: “Operasyon li ser daxwaza xelkê navçeyê bûye.”

Qareman Kemal da zanîn ku Hêzên Pêşmerge di wê operasyonê de rûbirûyê çekdarên DAIŞê bûne, lê çekdarên DAIŞê reviyane û navçe bicih hiştîne.

Herwiha Qareman Kemal diyar kir ku bombeyeke pêştir hatibû vedan teqiya û di encama wê teqînê de pêşmergeyek ser bi yekîneyên 70mîn ve birîndar bûye, lê metirsî li ser nîne.

Cîgirê Fermandeyê Hêzên Pêşmerge li Germiyan amaje bi wê yekê kir ku liv û tevgera çekdarên DAIŞê li navçeyê zêdir bûne û ew operasyon li ser daxwaza xelkê herêmê hate encamdan.

Ev operasyona Pêşmerge di demekê de ye ku tevgera DAIŞê li deverên Kurdistanî yên derveyî îdareya Herêma Kurdistanî zêde bûne.

Rudaw