Rêveberiya Sivîl a herêma Minbicê û gundewarên wê biryar da ku 2 deriyên sînorî veke.

Li ser daxwaza Rêveberiya Xweser ya Bakur û Rojhilatê Sûriyê, Rêveberiya Sivîl ya herêma Minbicê û gundewarên wê, biryar da ku 2 deriyên sînorî veke.

Deriyê yekem yê Um Cilûd e, li bakurê rojavayê Minbic ye û deriyê duyem jî yê On Dadat e li bakurê Minbicê ye.

Li gorî daxuyaniya Rêveberiya Sivîl a Minbicê, roja 6ê vê meha Sibatê, ew herdu derî, ji aliyê Rêveberiya Deriyên Sînorî û Hêzên Ewlehiya Navxwe û Rêveberiya Gumrikê ve têne vekirin.

Vekirina wan herdu deriyan piştî wê yekê tê, ku ji 3 mehan ve, bi sedema operasyona leşkerî ya Tirkiyê li ser Girê Spî û Serê Kaniyê, di Cotmeha derbasbûyî de, hatibûne girtin.

Deriyê On Dadat ji bo derbasbûna sivîlan e, lê deriyê Um Cilûd ji girîngtirîn deriyên bazirganiyê ye, di navbera Minbic û Cerablusê de, li bakur rojhilatê Helebê.

Rudaw