Nêçîrvan Barzanî radighîne her kandîdek postê Serokwezîrê Iraqê, hevdengî liser hebe, herêma Kurdistanê hevkar dibe.

Serokê herêma Kurdistanê Nêçîrvan Barzanî ligel Balyozê Fransa li Iraqê Bruno Aubert û şand a pê re civiya. Di civînê de, Nêçîrvan Barzanî spasiya hevkariya Fransa li navçeya Şingalê kir. Herweha tekez kir, ku her kandîde postê Serokwezîr ê Iraqê hevdengî liser hebe, herêma Kurdistanê hevkar dibe û ev yek jî, bi mebesta bidestxistin a aramî û asayişê û prosêsek serkeftî ji bo tevayiya Iraqê.

Nêçîrvan Barzanî tekez kir, ku hewlên wan ji bo danûstandinên Hewlêr- Bexda û çareserkirina kêşeyan berdewam dibin. Herweha tekezî li hemahengî û hevkariya di navbeyna civaka navdewletî û hikûmeta Iraqê û welatên Hevpeyman kir, bi mebesta rûbirûbûn a metirsiyên serîhildana DAIŞê û danî na mekanîzmeyek ji bo man a Hêzên Hevpeymanan.

Herweha çawaniya pêşvebirina pêwendiyên herêma Kurdistanê û Fransa, seredana meydanî ya şanda mêvan ji bo Şingalê, hemahengî û pêwendiyên herêma Kurdistanê û Bexda bi mebesta aramiya zêdetir li navçeyê, rewşa niha ya Bexda û kandîdkirina Mhemed Tewfîq Elawî ji bo postê Serokwezîrê Iraqê û rewşa aborî beşên din ê wê civînê bûn.

K24