Wezîrê Berevaniya Îtalyayê Lorenzo Guerini bi serdanake fermî gihîşt paytexta Herêma Kurdistanê bajarê Hewlêrê û biryar e ligel berpirs û rayedarên Herêma Kurdistanê rêze hevdîtinan pêk bîne.

Wezîrê Berevaniya Îtalyayê Lorenzo Guerini piştî serdana Bexdayê, bi serdaneke fermî îro êvarê gihîşt Hewlêrê û li Balafirxaneya Navdewletî Hewlêrê ji aliyê Wezîrê Pêşmerge yê Herêma Kurdistanê Şoreş Îsmaîl û hejmarek berpirsên Herêma Kurdistanê ve hat pêşwazîkirin

Tê pêşbînîkirin ku Wezîrê Berevaniya Îtalyayê ligel berpirs û rayedarên Herêma Kurdistanê çend hevdîtinan pêk bîne.

Lorenzo Guerini di heyama 35 rojên dawiyê de, cara duyem e ku serdana Herêma Kurdistanê dike.

Guerini 17ê Kanûna 2019an serdana Herêma Kurdistanê kiribû û di hevdîtina ligel Serokwezîrê Herêma Kurdistanê Mesrûr Barzanî de soza alîkariyên berdewam dabû.

Îtalya yek ji walatên di nav Hevpeymaniya Navdewletê ya li Dijî DAIŞê cihê xwe heye ye û piştî Amerîkayê herî zêde wî welatî li Herêma Kurdistanê û Iraqê şêwirmendên serbazî hene. Îtalyayê li Herêma Kurdistanê 800 û li Iraqê 600 serbaz hene.

Hikûmeta Îtalya ji aliyê lojîstîkî û perwerde ve rasterast alîkariya Hêzên Pêşmerge dike.

Rudaw