Li ser dereng pêkanîna kabîneya Lubnanê li ber parlamentoya wî welatî di navbera polîs û ‎xwepêşanderan de alozî derketin û di encamê de hejmarek xwepêşander birîndar bûn.‎

Xwepêşanderên Lubnanî daxwaz dikin ku di pêkanîna kabîneya wî welatî de lez bê kirin û pêdagir in li ‎ser wêya divê serokwezîrê rasipardî kesên bêalî wek wezîr hilbijêre.

Dikeve meha çaran ku ‎xwepêşandanên Lubnanê berdewam in û her diçe dijwartir dibin.‎

Roja Şemiyê şaxên çendîn bankeyên Lubnanî hatin şewitandin. Lubnanê rûbirûyê krîzeke mezin a ‎darayî bûye ku bihayê pereyên wî welatî bi rêjeya ji sedî 60 daketiye û bankeyan jî kişandina pereyên ‎kaş ji aliyê welatiyan ve sînordar kiriye.‎

Polîs bo belavkirina xwepêşanderan gaza rondikrêj bikar tînin û Wezareta Navxwe ya wî welatî jî hişyarî ‎daye xwepêşanderan ku mafên wan nîne êrîşî polîsan bikin.

Rudaw