Lijneya yasayî û lijneyên taybetmend ên parlamentoyê dê bicivin û guftûgo li ser pêşneyar û têbiniyên ser projeyasaya çaksaziyê bikin.

Îro 14.01.2020ê Parlamentoya Kurdistanê dawî bi civîna xwe anî, ku zêdetirî du rojan berdewam bû û xwandina duyem bo hemû madeyên projeyasaya çaksaziyê hatin kirin.

Piştî temambûna civînê seroka Parlamentoya Kurdistanê Rêwaz Fayeq, lijneya yasayî û lijneyên peyvendîdar erkdar kir îro bicivin û guftûgo li ser pêşneyar û têbiniyên parlamenteran li ser projeyasaya çaksaziyê bikin.

Li gor zanyariyên berdest, sekretere encûmena wezîran Amanc Rehîm û serokê dîwana encûmena wezîran Umêd Sebah beşdarî civîna îro ya lijneyan dibin.

Li gor raporta malpera fermî ya Parlamentoya Kurdistanê seroka parlamentoyê Rêwaz Fayeq ragehandiye, roja 16.01.2020ê pêncşemê parlamento dê xwandina sêyem bo projeyasayê bike û deng li ser bide.

Basnews