12 Kurdên ji Rojavayê Kurdistanê li di deryaya Ege (Îce) de li navbera Tirkiyê û Yunanê di belemekê de binav bûn û hemû xeniqîn û ji malbatekê bûn û ji bajarê Amûdê bûn. 11 term hatine dîtin, yek jî hîn wenda ye, 7 kes jî ku ji heman malbatê bûn û ew jî ketibûne bin avê, hatine rizgarkirin. Kesên xeniqîne 9 zarok û 3 jin in.

Berî 2 rojan, bûyereke xembar qewimî, belema 12 Kurdên Rojavayê Kurdistanê li nav deryaya Egeyê de binav bû û di encamê de hemû xeniqîn û niha jî cenazeyên wan li Îzmîrê ne.

Peyamnêrê Rûdawê Rawîn Stêrk ku ev 2 rojin li cihê bûyerê ye, xwe gihande malbatên wan, ew dibêjin, bila tu kes baweriyê bi qaçaxçiyan neyne, bi belemên xirab û lastîk penaberan dibin nava deryayê.

Nejbîr bebikeke 6 mehî bû malbata wê beriya 3 salan ji ber şer ji Hesekê derket û çû navçeya Qoserê ya Mêrdîna Bakurê Kurdistanê. Piştî demekê jî çûn îzmirê. Bavê wê xwest li Ewropa jiyaneke baştir bo wê amade bikê. Lê behra Egeyê rê neda û ew tevî dayîka xwe Nesrînê xeniqî.

Rebîh jî 8 salî bû. Bavê wî Cabir 3 sal berê di Şerê li dij DAIŞê de şehîd bû. Diya Rebîh û birayekî wî yê biçûk xwe gihandin Ewropa. Rebîh li ba pîrika xwe ma li Tirkiye. Piştî salan Rebîh jî xwest bigihê ba dayîk û birayê xwe. Rebîhê sewî rabû tev pîra xwe da rêya avê. Lê pêlên behra Ege rê û durb li wî jî birîn! Pîra wî rizgar bû. Rebîh ma di behrê de, dayîk û bira li Almanya, bav cangorî.

Di şeva 10ê Kanûnê de 19 koçberê ji Hesekê û Serê kaniyê xwestin bi belemeke 4 kesî derbasî Yûnanê bibin. Ji Çeşme ya navçeya Îzmirê siwar bûn da bighîjin cîhaneke kû li gor rûmeta mirovbûnê be. Lê piştî nîv seatekê belem noq bû. 8 jê zarok, 11 esan jiyana xwe ji dest dan.

Piştî karesata ku bi serê koçberan de hat 6 kesên ku mesûlê bûyerê hatin girtin. 8 kesên rizgarbûyî hîna di jêr çavdêriyê de ne. Termên qurbaniyan jî Tipa Dadwerî ya Îzmirê têne ragirtin.

Biryare sibe cenazeyên wan her 11 penaber radestî malbatên wan bêne kirin.

Rudaw