Li gor zanyariyên ku torên civakî yên Îranê de hatin belav kirin, xwepêşandan û nerazîbûnên li hember xistina balefira Ukraynayê zêde bûne û derveyî Tehranê nêzîkî 20 bajarên din jî xwepêşandan hene.

Li gor girte video û wêneyên ku hatine belav kirin, xwepêşandanên xelkê Tehranê duh êvari berfireh bûne û li Qada Azadî û şeqamên Muîm, Cenah û derdora zankoya Emîrkebîr a Tehranê xelkekî zêde kombûye û li dijî berpirsên hikûmetê dirûşman davêjin.

Li gor zanyariyên belav dibin derveyî Tehranê, Meşhed, Ehwaz, Îsfahan, Tewrêz, Gurgan, Sine, Kirmaşan, Şîraz, Qezwên, Sîminan, Damxan, Yezd, Şahrûd, Amûl û Babul jî xwepêşandan hene.

Li hember xwepêşandanan hêzên ewlehiya Îranê bi tundî radiwestin û gazên rondikrêj davêjin xelkê.

Basnews