Mehemed Cewad Zerîf, wezîrê derve yê Îranê kuştina Qasim Suleymanî, fermandarê Feyleqa Qudisa Supaya Pasdarên Îranê bi werareka gelek metirsîdar a terora nêvdewletî nav dike.

Zerîf di tiwîtekê de, nivîsîye, ev tîrora nêvdewletî ku Emerîkayê encam dayem û ceneral Qasim Suleymanî kuştîye ku hêzeke bi bandor û şerker bûye dijî Daişê, bereya Nusre, Qayde û rêkxistîyên din werareka gelek metirsîdar û gêjaneye.

Wezîrê derve ya Îranê dibêje: Emerîka berpirsyare ji encamên evî karî û derencamên wê dikeve stûyê wê de.

Di beranber de wezareta Bervanîy Emerîkayê ragehand: Qasim Suleymanî fermandarê Feyleqa Qudis a Supayê Pasdaên Îranê, bi fermana Donald Tiramp, serokê Emerîkayê hat kuştin bo berevanîkirin û paraztina fermanber û karmendên Emerîka li derve ya welat.

Pêntagon dibêje: Qasim Sûleymanî fermana hêrişkirinê bo ser balyozxane ya Emerîkayê li Bexda derkiribû û pilana hêrişkirinê bo ser dîplomatkar û serbazên Emerîkayî hebûye û kotştina wî jî bo rêgirtinê bûye jo pilanên Îranê.

Wezareta berevanî ya Emerîka, Suleymanî bi berpirs dibîne ji kuştina sedan endamên hêzên Emerîka û hevpeyamanan li deverê.

Hevdem li gel belavbûna nûçeya kuştina Qasim Suleymanî û Ebdû Mehdî Muhendîs, Donald Tiramp di tiwîtera xwe de, bê ti komênt û wêne alayeka Emerîkayê belav kirîye.

K24