Şêwirmenda Serokê Sûriyê Buseyina Şaban gef li hêzên Amerîkayê yên li Rojavayê Kurdistanê û Dêrazorê dixwe û dibêje, ew ê li dijî wan dest bi şer bikin.

Şaban di daxuyaniyekê de ji bo medyaya Amerîkî ragihand, ti mafekî Amerîka li ser petrola Sûriyê tine ye û eger ji Sûriyê dernekeve, ewê li dijî hebûna wan hêzan dest bi şer bikin û got, divê xaka wan ji bin dagîrkariya terorê, Tirkiyê û Amerîka derkeve.

Şêwirmenda Esed tekez kir, ku şer li ser wan hatiye ferzkirin û ew şer li dijî gelê Sûriyê ye û ne li dijî Beşar Esed e.

Ev daxuyaniyên Şêwirmenda Esed de di demekê de ne ku Wezîrê Derve yê Sûriyê, Welîd Muelim jî îro ragihandibû ku rêkeftina Soçî ya di navbera Rûsya û Tirkiyê de rastî şikestinê hatiye û niha yekane rêya çareseriyê rêbaza leşkerî ye.

Welîd Muelim herwiha îddîa kir ku ji ber ku siyaseteke sîstematîk a cêgir li cem Kurdan nîne, danûstandinên Şamê bi Kurdan û YPGê re hatin rawestandin.

Rudaw