Bo 54mîn salvegera rêkeftina Adarê peyamek belav kir.

Îro Serok Barzanî peyamek derbarê salvegera rêkeftina 11ê Adarê de belav kir ku, ev jî naveroka vê peyamê ye:

Bi navê xwedê mezin

Rêkeftina 11ê Adarê berhema şoreşa Îlonê bi Rêberatiya Barzaniyê Nemir, xebat û qurbanîdana pêşmerge û tevahiya xelkê Kurdistanê bû li hember stem, zordariya desthilatdarên Îraqê.

Berhema vê xebata han ya berfire bû ku, bo vegerandina maf û misoger kirina demokrasî, hevbeşî û bihevre jiyanê destpê kir û hikûmeta vê demê ya Îraqê jî neçar kir hinek mafên gelê Kurd qebûl bike.

Di 54mîn salvegera îmze kirina rêkeftina 11ê Adarê de tekez li ser peyama aştîxwazane û bihevre jiyana gelê Kurdistanê dikin û ev yek jî dubare dikin ku, gelê Kurdistanê bo gehêştin bi mafên xwe qurbaniyên bêhijmar daye û xebat û têkoşîna xwe bo doza xwe ya reva berdewam dike.