Li Îranê teqîn: Mirî û birîndar hene
Hat ragihandin ku li Rafîneriya Petrolê ya Bender Ebasê ya li başûrê Îranê teqînek çêbû mirî û birîndar hene.
Li gorî IRNAya ajansa fermî ya nûçeyan a Îranê, li Rafîneriya Petrolê ya Bender Ebasê ya li eyaleta Hurmuzganê ji ber sedemeke nediyar e teqînek çêbûye.
Hat diyarkirin ku di teqînê de şewat derket, mirî û birîndar hene.
Parêzgarê Bender Ebasê Hebîb Behadorî da zanîn ku karkerekî canê xwe ji dest daye, 3 karker jî birîndar in.
Berdevkê Nexweşxaneya Zanistên Tenduristiyê ya Hurmuzganê Ruya Cîhangîrî jî ragihand ku rewşa tenduristiyê ya birîndarekî xerab e.
Rudaw
