Civînên Serokwezîr yên li Amerîkayê berdewamin.

Serokwezîrê Kurdistanê Mesrûr Barzanî di çarçoveya serdana xwe de bo Amerîkayê li gel Senatora Lindsey Graham civiya û piştî civînê jî Serokwezîr wisa nivîsand;

Êvara îro di çarçoveya serdana xwe de bo Washingtonê li gel endamê civata Pîran ya Amerîkayê birêz Senator Lindsey Graham civiyan.

Me spasiya piştîvaniyên berdewam yên Senator Lindsey Graham û Amerîkayê yên bo herêma Kurdistanê kir û balkêşande ser guhertinên dawî û pêşhatên heyî yên li Îraq û kêşeyên herêma Kurdistanê û hikûmeta federalî.

Senator Graham kêfxweşiya xwe bi serdana me bo Washingtonê diyar kir û anî ziman ku, hertim piştîvanê Kurdistaneke bihêz, daxwaz û mafên reva yên gelê Kurdistanê dibe bi taybetî parastina asayîş û aramî û dabîn kirina maf û şayisteyên darayî, para bûdceya herêmê û destpê kirina henarde kirina petrola Kurdistanê û rêz girtin ji pêgeha destûrî ya herêma Kurdistanê.