Polîtburoya PDKê bi serpereştiya Serok Barzanî civiya û derbarê biryarên Dadgeha Federal a Iraqê de daxuyaniyek belav kir.

Îro 22.02.2024ê polîtburoya PDKê daxuyaniyek belav kir û ragehand: ‘’Derbarê pêşketinên dawiyê yên li Iraq û navçeyê de polîtburoya PDKê bi serpereştiya Serok Barzanî de civiye û yek ji mijarên civînê jî gotûbêjkirina biryarên Dadgeha Federal bû, ku roja 21.02.2024ê de derxistibû.’’

Herwaha hat ragehandin: ‘’Ew biryar berovajî ruhê destûr û mafên destûrî yên Herêma Kurdistanê û bingehê federalî û prensîbên cudayiya desthilatê ne ku di destûra Iraqê de hatine bicîhkirin.’’

Li ser vê mijarê polîtburoya PDKê wan çend xalên li jêr hatine gotin radigehîne:

1 – Rijdbûna li ser mafên pêkhateyan û piştevanî kirina wan di beşdarî û hevbeşiya li saziyên destûrî de.

2 – PDK, piştevaniya Hikûmeta Herêma Kurdistanê dike, ku li gel Hikûmeta Federal a Iraqê gotûbêjên li ser mafên darayî yên Herêma Kurdistanê di çarçoveya destûrê de berdewam bike.

3 – Biryara girêdayî yasaya hejmara 1 a sala 1992yê ya helbijartinê û guhertina beşek ji xalên wê, berevajî destûrê û xwezaya cudayiya desthilatan e.