Serokwezîr li gel balyozê Norvêjê civiya.

Îro Serokwezîrê herêma Kurdistanê Mesrûr Barzanî li gel balyozê Norvêjê civiya û piştî civînê jî Serokwezîr wisa nivîsand;

Îro me pêşwaziya balyozê Norvêjê yê li Urdin û Îraqê birêz Espen Lindback kir.

Di civînê de me giftûgo derbarê pêşde birina têkiliyên du alî û pêşhatên dawî yên li Îraq û deverê de kir.

Balyozê Norvêjê dilgiraniya xwe li hember êrîşên vê dawiyê yên bo ser Hewlêrê diyar kir û hevxemiya xwe bo kesûkarên qurbaniyên êrîşên han gehande me û piştîvaniya welatê xwe jî bo aramiya herêma Kurdistanê dubare kir.

Ecîbmayî bûna xwe jî li hember berxwedan û hevhelwestiya xelkê Kurdistanê li hember ev êrîşên nerewa yên bo ser Hewlêrê hatibûn kirin diyar kir.

Me jî spasiya hevsoziya Norvêjê kir û tekez li ser vê yekê kir ku, lazime civaka cîhanî rola xwe ya girîng bo parastina ewlekariya herêma Kurdistanê û dabîn kirina mafên destûrî yên herêmê bilîze.