Jineke kurd a dahêner û çêker li Brîtanyayê di pêşbirka danêneriyê de madalya zêr bidest xist.

Li gor nûçeya çapemeniya Rojhilatê Kurdistanê, Sirwe Gurcîpûr a xelkê bajarê Sine ya Rojhilatê Kurdistanê û endama Komeleya Dahênerên Îran û Rêvebera Komeleya Jîr a Kurdistanê, di pêşbirka cîhanî ya dahêneriyê ya li Brîtanyayê ya sala 2023yê de madalya zêr û xelata taybet a hikûmeta Brîtanyayê bidest xistiye.

Ev pêşbirke yek ji bûyerên navnetewî ya herî navdar a di warê dahêneriyê de ye û bi beşdariya dahênerên 34 welatên cîhanê yên di warên cuda yên wek kîmya, zîrekî û jîrbûna bi dest çêkirinê, înternet, nanoteknolijiya, pîşesaziya xorak, endazyariya elektronîk, endazyariya mekanîk, endazyariya bijîşkî û tenduristî de, li zanîngeha Kingston li Londonê birêve çû.

Sirwe Gurcîpûr a dahênera kurd karî madalya zêr di warê dîzayna endazyarî û jîrbûna dest çêkirî de bidest bixe.

 

Basnews