Akrê – Du keçên ciwan di avê de xeniqîn
Berdevkê polîsê Akrê aşkera kir, du keçên ciwan ku hevalên hev bûn, bi armanca melevanî û avjenî kirinê dikevin golekê û herdu jî xeniqîn.
Berdevkê polîsê Akrê Muqadem Îmad Husên ji BasNewsê re ragehand: ‘’Derengê şeva borî, du keçên ciwan ên bi navên Henan Remezan a 23 salî û Xelat Şeiban a 20 salî, ku hevalên hev bûn li sînorê Akrê ji bo melevanî bikin dikevin nav goleke avê, lê herdu jî dixeniqin.’’
Hat ragehandin, tîmên berevaniya şaristaniya Akrê karîn termê herduyan ji avê derbixin û naha ji bo bijîşkê dadî hatine şandin.
