Serokwezîrê nû yê Nîjerê, Derbarê tendirustiya Serokê desteserkirî yê Nîjerê de zanyarî da û dilniya kir ku ti ziyanek negihiştiye wî.

Serokwezîrê nû yê Nîjerê Elî Mihemed Zeyn ji rojnameya New York Times re ragihandiye: “Encûmena serbazî ya desthilatdar a nû ya Nîjerê ti ziyanek negihandiye Serokê desteserkirî yê Nîjerê Mihemez Bazûm û ew bi silamet e.”

Serokwezîrê nû yê Nîjerê tekezî li wê yekê jî kiriye ku ti xwestekeke wan ji bo hevahengiya ligel artêşa Rûsyayê û grûpa Wagnerê tune ye.

Ev di demekê de ye ku hefteya borî îdiaya wê yekê belav bûbû ku rewşa tendirustiya Serokê desteserkirî yê Nîjerê Mihemed Bazûm xirab e û desthilata nû ya welat dixwaze wî bikuje.

Roja 26ê Tîrmeha 2023an, derbeya leşkerî bi ser Serokê Nîjerê Mihemed Bazûm de hat kirin, piştre ji aliyê derbekeran ve hat destserkirin.