Li navçeya Sungurlu ya bajarê Çorumê ya Tirkiyê muxtarê berê bi çekê muxtarê nû kuşt û bavê wî bi giranî birîndar kir.

Li gor agahiyên ku hatine wergirtin di navbera muxtarê berê yê gundê Akçali Îsmaîl E. û muxtarê niha Mesut Uzunkaya (42) de ji ber sedemeke nediyar nîqaş derket.

Ji ber ku nîqaş zêde bû Îsmaîl E bi çeka xwe Mesut Uzunkaya û bavê wî Turan Uzunkaya (79) gulebaran kirin û di encamê de bav û kur birîndar bûn.

Li ser agahdarkirinê tîmên cendirme û tendirustiyê ji boî gund hatin şandin.

Muxtarê birîndar û bavê wî rakirin Nexweşxaneya Dewletê ya Sungurluyê.

Muxtarê birîndar tevî hemû hewldanan li nexweşxaneyê jî nehat rizgarkirin.  Bav Turan Uzunkaya piştî mudaxeleya bi ambulansê şandin Nexweşxaneya Perwerde û Lêkolînê ya Erol Olçokê ya zanîngeha Hîtîtê.

Herwiha Muxtarê berê Îsmaîl E. ji aliyê tîmên cendirmeyan ve hat desteserkirin.

 

 

Rudaw